Ոստիկանապետ Վալերի Օսիպյանը քվեարկել է «հանուն լավ Հայաստանի»
Հայաստանի ոստիկանապետ Վալերի Օսիպյանը վաղ առավոտյան կատարել է իր քաղաքացիական պարտքը, քվեարկել է 10/54 ընտրատեղամասում։ Քվեարկությունից հետո լրագրողների հետ ճեպազրույցում Օսիպյանն ասել է, որ քվեարկել է «հանուն լավ Հայաստանի»։
Հարցին՝ ի՞նչ միջոցներ է ձեռնարկել ոստիկանությունը, որ այս ընտրությունները տարբերվեն նախորդներից, Հայաստանի ոստիկանապետը պատասխանել է․ «Օրենքով նախատեսված բոլոր կանխարգելիչ աշխատանքները կատարվել են ոստիկանության կողմից, կարծում եմ, որ շատ լավ են իրականացվել այդ աշխատանքները։ Նաև համեմատական կարգով նախորդ ընտրությունների հետ, ասեմ, որ նախադեպ չունեցող քարոզարշավ է տեղի ունեցել, ինքներդ էլ կարող եք փաստել։ Տեղի չեն ունեցել որևէ արտառոց դեպքեր, իրականացվել են օրենքով նախատեսված բոլոր միջոցները»։
