Հայաստանում ընտրություններին ավելի քան 200 դիտորդ է հետևում. ԵԱՀԿ/ԺՀՄԻԳ
Ներկայումս Հայաստանում են գտնվում ԵԱՀԿ-ից ավելի քան 200 դիտորդներ: Այս մասին 9/40 ընտրական տեղամասում լրագրողների հետ զրույցում ասաց ԵԱՀԿ/ԺՀՄԻԳ դիտորդական առաքելության ղեկավար, դեսպան Ուրսուլա Գաչեկը:
«Ընդհանուր առմամբ Հայաստան են ժամանել ԵԱՀԿ Խորհրդարանական վեհաժողովի, Եվրոպայի խորհրդի Խորհրդարանական վեհաժողովի, ինչպես նաեւ Եվրախորհրդարանի 70 անդամներ»,- նշեց դիտորդական առաքելության ղեկավարը:
Նրա խոսքով՝ յուրաքանչյուր խումբը կդիտարկի 12-13 ընտրական տեղամասեր, իսկ երեկոյան կհետեւի ընտրական հանձնաժողովների հետ միասին քվեների հաշվարկին:
