Չարբախում ՀՀԿ-ական թեկնածուի համար գումար է բաժանվել
Լրատվամիջոցներում տեղեկություն էր տարածվել այն մասին, որ Շենգավիթ վարչական շրջաններից մեկում գումար են բաժանել։
Դեպքի առնչությամբ ՀՀ գլխավոր դատախազության հանրային կապերի բաժնի պետ Արեւիկ Խաչատրյանը պարզաբանում է հրապարակել, որը ներկայացնում ստորև․
«1in.am կայքում հրապարակված «Չարբախում ընտրակաշառքի մասին ահազանգ են ստացել» վերտառությամբ հրապարակումը Երեւան քաղաքի Շենգավիթ վարչական շրջանի դատախազության կողմից ուղարկվել է ոստիկանության Շենգավիթի բաժին ՝ ստուգողական գործողություններ իրականացնելու նպատակով:
Նշենք, որ, ըստ հրապարակման, ականատեսի վկայությամբ, Շիրակի փողոցում գումար են բաժանում ՀՀԿ-ական թեկնածուներից մեկի համար։ «Առաջին լրատվական» դիմած քաղաքացին նշել է, որ թիվ 115 դպրոցում տեղակայված է թիվ 8/47 ընտրատեղամասը, իսկ հարեւան շենքից գումար են բաժանել»,- գրել է Արևիկ խաչատրյանը։
Հիշեցնենք, որ ֆեյսբուքյան օգտատեր Կարեն Հարությունյանը, մասնավորապես գրել է․ "Չարբախում 8/47 տեղամասում փող են բաժանել (ոնց որ ՀՀԿ-ն), ոստիկանությունը կարծես բռնել է"։
