Բացառվում է, որ ԲՀԿ-ն երբևէ ընտրակաշառք բաժանած լինի․ Ծառուկյան
Բացառում եմ, որ ԲՀԿ-ն երբևէ ընտրակաշառք բաժանած լին։ Այս մասին այսօր քվեարկելուց հետո, լրագրողների հետ զրույցում նշեց ԲՀԿ առաջնորդ, ԲՀԿ ընտրական ցուցակը գլխավորող Գագիկ Ծառուկյանը՝ հիշեցնելով, որ դեռևս քաղաքապետի ընտրությունների ժամանակ նման հայտարարություններից հետո, երբ ԲՀԿ ներկայացուցիչներին տարել էին բաժիններ, ոչինչ չէր ապացուցվել: Ծառուկյանը նշեց, որ իրեն չեն գոհացրել նախընտրական դեբատները: «Դեբատներից գոհ չեմ, որովհետև ամբողջ աշխարհն այդ օրը սպասում էր, որ պետք է կուսակցության ղեկավարները լիարժեք ներկայացնեն իրենց ծրագրերը ոչ թե գեղեցիկ խոսքերով, այլ ամեն կուսակցության ղեկավար ասի, թե ամեն ոլորտում ինչ է անելու: Թե չէ ճոխ խոսել բոլորն էլ կարող են՝ զարգացնելու են, ծաղկեցնելու են, գործազրկություն չի լինելու… բայց ինչի հիման վրա: Պետք է կետ առ կետ ասեին: Միայն եղավ, որ մեկը մեկի վրա ուզում ա ցեխ շպրտի ու մեկը մեկի հաշվին դիվիդենտ շահի», - շեշտեց Ծառուկյանը։

Քաղաքականություն

Պատահարներ