ՏԵՍԱՆՅՈՒԹ․ Վանեցյանը հրաժարվեց պատասխանել գաղտնալսման վերաբերյալ հարցերին
Դեկտեմբերի 15-ին կհրավիրեմ մամուլի ասուլիս, որի ընթացքում կպատասխանեմ ձեր բոլոր հարցերին։ Այս մասին Գյումրիում լրագրողների հետ զրույցում նշեց ԱԱԾ տնօրեն Արթուր Վանեցյանը։
«Քրեական արարք է, քննչական կոմիտեում գործ կա հարուցված, թող գնահատականը տա»,–ասաց նա։
Նկատենք, որ լրագրողները հետաքրքրվում էին, թե մտահոգիչ չէ արդյոք, որ նույնիսկ վարչապետին են կարողանում գաղտնալսել, ԱԱԾ տնօրենն ասաց. «Առանց մեկնաբանության»։
Նշենք, որ դեկտեմբերի 5-ին համացանցում հայտնվել է նոր գաղտնալսում, որտեղ նախ հեռախոսազրույց են ունենում ԱԱԾ տնօրեն Արթուր Վանեցյանն ու Նիկոլ Փաշինյանը, հետո՝ Արթուր Վանեցյանն ու Սասուն Խաչատրյանը։ Հեռախոսազրույցը ծավալվում է Յուրի Խաչատուրովի եւ Ռոբերտ Քոչարյանի շուրջ։
