Երբեք չեմ մոռանա մեր հանդիպումները․ Արմեն Սարգսյանը գրառումը՝ Ջորջ Բուշ ավագի մասին
Հանրապետության նախագահ Արմեն Սարգսյանը տիկնոջ՝ Նունե Սարգսյանի հետ այցելել է Հայաստանում Ամերիկայի Միացյալ Նահանգների դեսպանություն՝ ցավակցություն հայտնելու ԱՄՆ 41-րդ նախագահ Ջորջ Հերբերտ Ուոքեր Բուշի մահվան առնչությամբ: Այս մասին տեղեկանում է ՀՀ նախագահի պաշտոնական կայքէջում։
Նախագահ Սարգսյանը գրառում է արել Ջորջ Բուշ Ավագի մահվան կապակցությամբ բացված սգո մատյանում:
«Աշխարհը կորցրեց մեծ առաջնորդի: Մեզ հետ կմնան մեծ ու ջերմ հիշողությունները հիանալի մարդու, մեծ ամերիկացու ու իմաստուն քաղաքական գործչի մասին, ով աշխարհը դարձրեց ավելի լավը՝ վերացնելով արգելքներն ու պատերը՝ կառուցելով վստահություն: Ես երբեք չեմ մոռանա մեր հանդիպումները»,-գրել է Արմեն Սարգսյանը:
