Ցույցեր․Թբիլիսիում գլխավոր տոնածառի տեղադրման համար «տեղ չկա»

Թբիլիսիում Ամանորի խորհրդանիշ տոնածառը մնացել է անհասցե, քանի որ Ամանորի այն տեղադրվում էր Թբիլիսիի խորհրդարանի շենքի դիմաց, սակայն այս տարի տարածքը զբաղեցրել են «Հայրերը հանուն արդարության» ակցիայի մասնակիցներն ու նրանց աջակիցները: Խորհրդարանի այդ հատվածում վրաններ են ամրացվել: Այստեղ մի քանի ամիս է՝ բողոքի ակցիա են անցկացնում որդեկորույս երկու հայրեր՝ Պանկիսիի կիրճում հատուկ գործողությունների ընթացքում զոհված Թեմիրլան Մաչալիկաշիլիի հայրը՝ Մալխազ Մաչալիկաշվիլին և մայրաքաղաքի Խորավայի փողոցում սպանված անչափահաս Դավիթ Սարալիձեի հայրը՝ Զազա Սարալիձեն: Նոյեմբերի 9-ին Թբիլիսիի քաղաքապետարանը ցուցարաներին էր դիմել՝ ակցիան այլ վայր տեղափոխելու նամակ-խնդրանքով, ինչն առաջացրել էր Թբիլիսիի բնակիչների զայրույթը: Համացանցում ստորագրահավաք էր սկսվել՝ «Հրաժարվում եմ տոնածառից, ընտրում եմ մարդուն» կարգախոսով, որն արդեն ստորագրել է ավելի քան 10 հազար մարդ: Քաղաքապետարանից ասել են, որ տոնածառն անպայման տեղադրվելու է, քանի որ դրանից է նաև կախված՝ որտեղ կիրականացվեն տոնական միջոցառումները։