Սերբիայի մայրաքաղաք Բելգրադի Նիկոլա Տեսլայի անվան օդանավակայանում գործող Duty Free խանութում «Արցախ» բրենդի ալկոհոլային խմիչքների վաճառքը խիստ բարկացրել է տեղի ադրբեջանցիներին: Այս կապակցությամբ Սերբիայում Ադրբեջանի դեսպանությունն անգամ բողոքի նոտա է հղել Սերբիայի իշխանություններին: Ադրբեջանական Report գործակալության փոխանցմամբ՝ ,խմիչքները վաճառվել են խանութի Armenian Flavours անվանումը կրող հատուկ անկյունում: Այստեղ վաճառվել են «Արցախ» բրենդի գինիներ, կոնյակներ և օղիներ: Ադրբեջանական կողմը նույնիսկ պահանջել է, որ ապրանքներն անհապաղ հանվեն վաճառքից: Ըստ ադրբեջանական լրատվամիջոցի՝ խմիչքներն արդեն դուրս են բերվել խանութից: