Հայկական բանակի զինծառայողները շուտով նոր ճտքակոշիկներ կունենան, տեղեկացնում են ՊՆ լրատվական ծառայությունից։ «Տեղական արտադրության այս ճտքակոշիկները կարելու ընթացքում օգտագործվում է բացառապես որակյալ հումք։ Արտադրությունը համալրված է ժամանակակից լավագույն տեխնոլոգիաներով և հոսքագծերով: Ճտքակոշիկները դիմացկուն են և մինչև սերիական արտադրությունը ամիսներ շարունակ փորձարկվել են եղանակային տարբեր պայմաններում: Վստահաբար` դրանք լավագույն ճտքակոշիկներն են հայկական բանակի ձևավորումից ի վեր»,- ասված է ՊՆ լրատվական ծառայության տարածած հաղորդագրությունում։