Երևան քաղաքի ընդհանուր իրավասության դատարանը երկու ամսով երկարացրեց գործարար Սամվել Մայրապետյանի կալանքի ժամկետը: Այս մասին Tert.am-ին հայտնեցին դատարանից: Դատարանը մերժել է Մայրապետյանի նկատմամբ գրավ կիրառելու վերաբերյալ փաստաբանի ներկայացված միջնորդությունը: Նշենք, որ Մայրապետյանին մեղադրանք է առաջադրվել ՀՀ ՔՕ-ի 38-311 հոդվածով՝ կաշառքի օժանդակություն։ Իրեն առաջադրված մեղադրանքը Մայրապետյանը չի ընդունում։ Հիշեցնենք, որ ՀՔԾ-ն հոկտեմբերի 6-ին ձերբակալել էր գործարար Սամվել Մայրապետյանին: