Ուկրաինայի ԱԳ նախարարն ինձ հավաստիացրել է, որ իրանական նավի վրա հարձակումը պատահական էր

Իրանի արտաքին գործերի նախարար Աբբաս Արաղչին հայտարարել է, որ Ուկրաինայի ԱԳ նախարարն իրեն հավաստիացրել է՝ Կասպից ծովում իրանական նավի վրա հարձակումը եղել է ոչ միտումնավոր, և Կիևը չի ցանկանում սրել  իրավիճակը։

Ավելի վաղ հաղորդվել էր, որ հուլիսի 25-ին Ուկրաինայի զինված ուժերը հարվածել էին Կասպից ծովում գտնվող իրանական առևտրային նավին։ Միջադեպի հետևանքով մեկ մարդ զոհվել էր, ևս մեկը՝ վիրավորվել: Թեհրանը քննարկել էր Ուկրաինային պատասխանելու տարբերակը:

NYT-ի աղբյուրների փոխանցմամբ՝ իրանական կողմը կարծում էր, որ այդ քայլից հետո հակամարտությունը կարող էր ավարտվել, սակայն արևմտյան պաշտոնյաները զգուշացրել էին Ուկրաինայի հնարավոր անկանխատեսելի արձագանքի և ավելի լայն պատերազմի վտանգի մասին։

Դրանից հետո Իրանի ԱԳՆ-ն կանչել էր Ուկրաինայի գործերի ժամանակավոր հավատարմատարին և բողոք հայտնել։ Արաղչին հայտարարել էր, որ միջադեպը խախտում է ՄԱԿ-ի կանոնադրությունը և, իր գնահատմամբ, նպատակ ունի Եվրոպային ներքաշել Իրանի ու ԱՄՆ-ի միջև հակամարտության մեջ։