ԱՄՆ-ում Ուկրաինայի դեսպանը հրաժարականի դիմում է ներկայացրել. նրան կարող է մեղադրանք առաջադրվել

ԱՄՆ-ում Ուկրաինայի արտակարգ և լիազոր դեսպան Օլգա Ստեֆանիշինան աշխատանքից ազատվելու մասին դիմում է գրել անձնական պատճառներով, ինչն արդեն հաստատվել է նախագահ Վլադիմիր Զելենսկու կողմից։

Ուկրաինական Ուկրաինայի ազգային նորություններ գործակալության կայքում տեղադրված հրապարակման համաձայն՝ Օլգա Ստեֆանիշինան անձնական հանգամանքներով պայմանավորված հրաժարականի դիմում է ներկայացրել, որը Զելենսկին ստորագրել է։ Գերագույն ռադայի պատգամավոր Ալեքսեյ Գոնչարենկոյի փոխանցմամբ՝ Ստեֆանիշինան մի քանի օր առաջ վերադարձել է Կիև:

 Բացի այդ, ըստ պատգամավորի աղբյուրների փոխանցած տեղեկությունների, Ուկրաինայի Ազգային հակակոռուպցիոն բյուրոն (ՈւԱՀԲ) հնարավոր է մեղադրանքներ առաջադրի Ստեֆանիշինային։ Այս հավանական մեղադրանքի վերաբերյալ այլ մանրամասներ ու հստակ փաստեր չեն հայտնվում։