Քաղաքականություն

ԱՄՆ-ն հայտարարում է Իրանի դեմ հարվածների երրորդ փուլի ավարտի մասին

ԱՄՆ-ն հայտարարում է Իրանի դեմ հարվածների երրորդ փուլի ավարտի մասին
ԱՄՆ Կենտրոնական հրամանատարությունը (CENTCOM) տեղեկացրել է շաբաթվա ընթացքում Իրանի ուղղությամբ իրականացված հարվածների երրորդ փուլի եզրափակման մասին։ Ըստ ամերիկյան զինվորականների՝ այս գործողությունը…

ԱՄՆ Կենտրոնական հրամանատարությունը (CENTCOM) տեղեկացրել է շաբաթվա ընթացքում Իրանի ուղղությամբ իրականացված հարվածների երրորդ փուլի եզրափակման մասին։ Ըստ ամերիկյան զինվորականների՝ այս գործողությունը պատասխան քայլ էր վերջերս Հորմուզի նեղուցում Իրանի ուժերի կողմից Կիպրոսի դրոշով ընթացող կոնտեյներատար նավի վրա կատարված հարձակմանը։


CENTCOM-ի հաղորդմամբ՝ վերջին գործողությունների շրջանակում խոցման է ենթարկվել մոտ 140 ռազմական նշանակության օբյեկտ, որոնց թվում են անօդաչու ու հրթիռային համակարգեր, ռազմածովային թիրախներ, զինամթերքի պահեստարաններ, կապուղիներ և ափամերձ դիտարկման կետեր։


Ամերիկյան կողմի տվյալներով՝ ընթացիկ շաբաթվա երեք գիշերների ընթացքում Միացյալ Նահանգները գրոհել է ավելի քան 300 թիրախ։ Վաշինգտոնում վստահեցնում են, որ այս գործողությունների նպատակն էր նվազեցնել Հորմուզի նեղուցով անցնող առևտրային և քաղաքացիական նավերի վրա հարձակվելու Իրանի կարողությունները։


Միևնույն ժամանակ, CENTCOM-ը նշել է, որ մայիսի սկզբից ի վեր ամերիկացի զինծառայողներն ապահովել են նեղուցով ավելի քան 800 առևտրային նավի անվտանգ նավարկությունը, որոնցով ընդհանուր առմամբ փոխադրվել է շուրջ 400 միլիոն բարել նավթ։

Նմանատիպ հոդվածներ

Ավելին Քաղաքականություն բաժնից

AURORA TV

Դիտել ուղիղ եթեր

Արագ որոնում

Հանրաճանաչ թեմաներ

Հայաստան (7310) Միջազգային (3204) ԱՄՆ (2274) Ռուսաստան (2072) Իրան (1731) Ընտրություններ (1270) Ուկրաինա (817) Երևան (793) Իսրայել (757) Ադրբեջան (610) Փաշինյան (557) Եվրոպա (510) Ընդդիմություն (432) Թրամփ (426) Ազգային ժողով (395)

Radio Aurora

Լսել Radio Aurora

Գովազդային տարածք

300x250