Արայիկ Հարությունյանը դատի է տալու իր դեմ «արշավին» մասնակցած բոլոր ԶԼՄ-ներին

Վարչապետի աշխատակազմի ղեկավար Արայիկ Հարությունյանը հայտնել է, որ պատրաստվում է դատական հայցեր ներկայացնել իր դեմ սկսված արշավի մեջ ներգրավված բոլոր լրատվամիջոցների դեմ:

Չնայած այն հանգամանքին, որ գտնվում է արձակուրդում և իր դեմ սկսված արշավին մտադիր էր անդրադառնալ ավելի ուշ, Արայիկ Հարությունյանը հարկ է համարել հենց հիմա տեղեկացնել, որ պատրաստվում է դատական հայցեր ներկայացնել արշավի մեջ ներգրավված բոլոր լրատվամիջոցների դեմ՝ զրպարտության և բարի համբավի դեմ այս ոտնձգության համար:

«Ներկայում փաստաբաններն աշխատում են բոլոր այդ հայցերի վրա: Հայցերը լինելու են շատ ծանր այդ ոչ բարեխիղճ լրատվամիջոցների համար: Հետո չասեք մամուլին ճնշում են: Դուք եք սկսել»,-նշել է նա: