ԱՄՆ-ն նոր պատժամիջոցներ է սահմանել Իրանի դեմ

Ամերիկայի Միացյալ Նահանգները սահմանափակումների նոր փաթեթ է կիրառել Իրանի նկատմամբ և միաժամանակ հրապարակել Iran General License Y գլխավոր արտոնագիրը:

Այս մասին նշված է ԱՄՆ ֆինանսների նախարարության պաշտոնական կայքում հրապարակված հաղորդագրության մեջ։ Ինչպես հայտնում է Օտարերկրյա ակտիվների վերահսկողության գրասենյակը (OFAC), սահմանափակումները ներդրվել են այն բանից հետո, երբ Իրանի կողմից վերսկսվել են հարձակումները Հորմուզի նեղուցում միջազգային նավագնացության վրա: 

Սահմանափակումների ցանկում է հայտնվել իրանցի ֆինանսական միջնորդ Ալի Անսարին: Ամերիկյան իշխանությունների պնդմամբ՝ նա կառավարում է ակտիվների միջազգային հսկայական ցանց, որոնք օգուտ են բերում Իրանի առաջնորդ Մոջթաբա Խամենեիին և իրանական ղեկավարության այլ ներկայացուցիչների: Բացի այդ, OFAC-ը թողարկել է Iran General License Y գլխավոր արտոնագիրը, որով կարգավորվում են Իրանի նկատմամբ գործող պատժամիջոցային ռեժիմին առնչվող առանձին գործառնություններ: