12:00 Լուրերը մեկ տողով. Բողոքի ակցիա, անվտանգության ահազանգեր

Անցած ժամվա լուրերը՝ հակիրճ և բովանդակային.

·ԲՀԿ առաջնորդ Գագիկ Ծառուկյանին պատկանող ընկերությունների աշխատակիցները Կոտայքում և Երևանում բողոքի ակցիաներ են անցկացրել՝ ի աջակցություն կալանավորված գործարարի։ 

· Էկոնոմիկայի նախարար Գևորգ Պապոյանը հայտնել է, որ «Արարատցեմենտը» շարունակում է աշխատել ամբողջ արտադրական հզորությամբ։ 

· 2026-ի առաջին հինգ ամիսներին Հայաստանի և Ռուսաստանի միջև ապրանքաշրջանառությունը նվազել է 21,5%-ով, իսկ Ռուսաստանի մասնաբաժինը երկրի արտաքին առևտրում ևս կրճատվել է։ 

· ՆԳՆ-ն երեխաներին կոչ է արել առցանց խաղերում չհայտնել անձնական տվյալներ և կասկածելի իրավիճակների դեպքում դիմել ծնողներին կամ վստահելի մեծահասակներին։ 

· Կրասնոդարի միջազգային օդանավակայանում հետաձգվել է 23 չվերթ, այդ թվում՝ Երևան մեկնող և Երևանից ժամանող ավիաչվերթները։ 

· CNN-ի տվյալներով՝ Իրանը, ենթադրաբար, սկսել է վերականգնել հարվածներից վնասված միջուկային օբյեկտների ենթակառուցվածքները, ինչն արձանագրվել է արբանյակային լուսանկարներով։