Իրանը նոր հարվածներից հետո ԱՄՆ-ին գործարք է առաջարկել. Թրամփ

ԱՄՆ նախագահ Դոնալդ Թրամփը հայտարարել է, որ Իրանի ներկայացուցիչները զանգահարել են իրեն՝ գործարք կնքելու խնդրանքով այն բանից հետո, երբ ամերիկացի զինվորականները բազմիցս հարվածներ են հասցրել երկրի տարածքին, հաղորդում է CNN հեռուստաալիքը։

«Նրանք որոշ ժամանակ առաջ զանգահարել էին, նրանք շատ են ուզում գործարք կնքել։ Ես պարզապես չգիտեմ՝ արդյոք նրանք արժանի՞ են գործարք կնքելուն», - ասել է Թրամփը հեռուստաալիքի լրագրողներին նախագահական ինքնաթիռում՝ Թուրքիայում ՆԱՏՕ-ի գագաթնաժողովից վերադառնալիս։

Վերջին երկու գիշերվա ընթացքում ԱՄՆ-ն կրկին հարվածներ է հասցրել Իրանին՝ ի պատասխան Օրմուզի նեղուցում նավերի գնդակոծման։

Թրամփը նաև սպառնացել է, որ եթե Իրանը ևս մեկ անգամ հարձակվի առևտրային նավերի վրա, ամերիկացի զինվորականներն ավելի հզոր հարվածներ կհասցնեն։

«Եթե նրանք նորից այդպես վարվեն, ապա նրանց համար ավելի վատ կլինի», - գրել է նա հինգշաբթի գիշերը Truth Social սոցիալական ցանցում։