ԱՄՆ-ն վերսկսել է հարվածները, Իրանը պատասխանել է

ԱՄՆ-ն Դոնալդ Թրամփի հրահանգով կրկին սկսել է հարվածներ հասցնել Իրանին։ Այդ մասին հայտնել է ԱՄՆ կենտրոնական հրամանատարությունը։

««Գերագույն հրամանատարի հրահանգով ԱՄՆ կենտրոնական հրամանատարության ուժերը սկսել են լրացուցիչ հարվածներ հասցնել Իրանին՝ Հորմուզի նեղուցում նավարկության ազատությանը սպառնալու նրա կարողությունը հետագայում նվազեցնելու համար», - ասվում է հրամանատարության X սոցիալական մեդիա հարթակում հրապարակված հայտարարության մեջ։

Ի պատասխան ԱՄՆ-ի հարվածների՝ Իրանը նույնպես հարվածներ է հասցրել։

Իրանի ԻՀՊԿ-ն հայտարարել է, որ ԱՄՆ-ի հարվածներին պատասխանել է՝ հրթիռներ և անօդաչու թռչող սարքեր արձակելով Քուվեյթում և Բահրեյնում տեղակայված ամերիկյան կարևոր ռազմական բազաների ուղղությամբ։ Միաժամանակ նախազգուշացվել է, որ ԱՄՆ-ի կողմից հետագա ցանկացած հարձակում կհանգեցնի տարածաշրջանում ավելի մեծ թվով ամերիկյան բազաների վրա հարվածների։