Կրակոցներ Նյու Յորքի Թայմս Սքուերում. կա ձերբակալաված

Նյու Յորքի Թայմս Սքուերում անհայտ քաղաքացու կողմից արձակված կրակոցներից հետո իրավապահ մարմիններին հաջողվել է բերման ենթարկել մեկ կասկածյալի։

Հունիսի 18-ին CBS News հեռուստաալիքը, հղում անելով տեղի ոստիկանությանը, հայտնել է, որ Թայմս Սքուերում արձանագրված հրաձգության դեպքից հետո իրավապահները ձերբակալել են մեկ անձի, իսկ միջադեպի վայր են ժամանել տասնյակ ոստիկաններ։

Ըստ հաղորդվող տվյալների՝ պատահարի պատճառով որևէ մարդ չի տուժել։ Ոստիկանության փոխանցմամբ՝ կասկածյալը 18 տարեկանից ցածր տարիքի է։

Հեռուստաալիքի տեղեկություններով՝ իրավապահ մարմինների ներկայացուցիչները ներկայումս շարունակում են փնտրել այլ անձանց, ովքեր հնարավոր է կապ ունենան կատարված միջադեպի հետ։