11:00 Լուրերը մեկ տողով. Նախկին պատգամավորի ձերբակալությունը, ընտրակաշառքի աղմկահարույց բացահայտումները

Անցած ժամվա լուրերը՝ հակիրճ և բովանդակային.

•ԱԺ նախկին պատգամավոր Ռուբեն Հակոբյանը ֆեյսբուքյան իր էջում հայտնել է, որ այս պահին իրեն ձերբակալելու են եկել:

•«Ուժեղ Հայաստան» դաշինքի պատգամավորի թեկնածու Ա.Ե.-ն կալանավորվել է Արտաշատում 100-ից ավելի ընտրողի խոշոր չափի ընտրակաշառք տալու և փողերի լվացման մեղադրանքով:

•Դատարանի որոշմամբ «Հայաստան» դաշինքի պատգամավորի թեկնածու Ռուսլան Բարսեղյանը կալանավորվել է 2 ամսով, իսկ Ասատուր Քոչարյանի նկատմամբ կիրառվել է տնային կալանք:

•«Հրապարակ» թերթի տեղեկություններով՝ Արման Թաթոյանը նախընտրական ծախսերի համար մոտ 500 հազար դոլարի վարկ է վերցրել, ինչի մասին Դավիթ Անանյանը տեղյակ չէր:

•Ազգային ժողովն ամբողջությամբ ընդունել է Աշխատանքային օրենսգրքի փոփոխությունը, որով կկրճատվի մինչև 12 տարեկան երեխա ունեցող ծնողների աշխատաժամանակը:

•ԱՄՆ Պենտագոնը Կոնգրեսից հրատապ 80 միլիարդ դոլարի լրացուցիչ ֆինանսավորում է պահանջել Իրանի դեմ ռազմական գործողությունների և այլ ծախսերի համար:

•Զապորոժիեի ԱԷԿ-ի տրանսպորտային արտադրամասը ենթարկվել է ուկրաինական ԱԹՍ-ների զանգվածային հարձակման. արձանագրվել է առնվազն 14 հարված, տուժածներ չկան:

•Փամբակ գետում շարունակվում են անհետացած երկու երեխաների որոնումները, որոնցից 7-ամյա երեխայի մարմինն արդեն հայտնաբերվել է: