Ամերիկյան մարտական ուղղաթիռ է կործանվել Հորմուզի մերձակայքում

Ամերիկյան Apache մարտական ուղղաթիռը կործանվել է Հորմուզի նեղուցի մերձակայքում, հաղորդում է New York Times-ը:

Նշվում է, որ անձնակազմի երկու անդամներին հաջողվել է փրկել։ Ուղղաթիռի կործանման պատճառը դեռևս անհայտ է, միջադեպի առնչությամբ քննություն է իրականացվում։

Պարբերականը ուշադրություն է հրավիրում այն հանգամանքի վրա, որ կործանումը տեղի է ունեցել մի քանի օր շարունակ Մերձավոր Արևելքում լարվածության աճի և նվազման ֆոնին։

Ավելի վաղ ԱՄՆ նախագահ Դոնալդ Թրամփը հայտարարել էր, որ Իրանի հետ խաղաղ համաձայնագիրը կկնքվի առաջիկա երկու շաբաթվա ընթացքում։ Նրա խոսքով՝ պայմանավորվածությունների ձեռքբերումից հետո ինքը մտադիր է հայտարարել Իսլամական Հանրապետության նկատմամբ լիակատար հաղթանակի մասին։