14:00 Լուրերը մեկ տողով. Ձայների կորուստ, վերահաշվարկի պահանջ և պատերազմական նոր տագնապ

 Անցած ժամվա լուրերը՝ հակիրճ և բովանդակային.

• Խորհրդարանական ընտրությունների արդյունքների վերահաշվարկի համար ստացվել է 30 դիմում՝ 555 տեղամասի քվեարկության արդյունքները վերանայելու պահանջով։

• Մանդատներից հրաժարվելու հնարավոր որոշման ֆոնին հրապարակվել են ընտրությունների նախնական տվյալները, ըստ որոնց՝ խորհրդարան անցնելու շեմը հաղթահարել է երեք քաղաքական ուժ:

• «Հայաստան» դաշինքը նախապատրաստում է փաստերի փաթեթը և ընտրությունների արդյունքները վիճարկելու նպատակով կդիմի Սահմանադրական դատարան։

• «Հանուն Հանրապետության» կուսակցությունը ճանաչել է ընտրությունների նախնական արդյունքները և հույս հայտնել, որ իշխանությունը կիրականացնի իրական պետական վերափոխումներ։

• Ռուսաստանի Պետդումայի ներկայացուցիչը հայտարարել է ընտրություններում ձայների կեղծման մասին, ինչի պատճառով ընդդիմությունը կորցրել է քվեների առնվազն 20%-ը։

• Իրավապաշտպանը հայտարարել է ընտրությունների տոտալ կեղծման մասին և առաջարկել հանրաքվեի միջոցով որոշել ընդդիմադիր մանդատները վերցնելու հարցը։

• Իսրայելական բանակը նոր ավիահարվածների մասին նախազգուշացում է տարածել և հորդորել Լիբանանի Տյուրոս քաղաքի բնակչությանն անհապաղ տարհանվել։