09:00 Լուրերը մեկ տողով. Ռուսաստանի կտրուկ քայլը Հայաստանի դեմ, Մասիսում՝ բախումներ

Անցած ժամվա լուրերը՝ հակիրճ և բովանդակային.

·  Ռուսաստանը հայկական գյուղատնտեսական արտադրանքը կփոխարինի ադրբեջանականով՝ կապված վերջինիս մատակարարման մեծ ծավալների և Հայաստանից ներմուծման սահմանափակումների հետ։

·  ԱՄՆ պետքարտուղարը հայտարարել է TRIPP նախագծի հուշագրի ստորագրման մասին, ինչը նոր տնտեսական ու տրանսպորտային հեռանկարներ կբացի Հայաստանի և Ադրբեջանի համար։

·  Երևանի Հանրապետության հրապարակում տեղի է ունեցել «Ուժեղ Հայաստան» կուսակցության նախընտրական ամփոփիչ հանրահավաքը, որին աերո-նկարահանման տվյալներով մասնակցել է շուրջ 17,500 մարդ։

·  Մասիսում երկու քաղաքական ուժերի ներկայացուցիչների միջև տեղի ունեցած միջադեպի առթիվ Քննչական կոմիտեում ֆիզիկական ներգործության և խուլիգանության հատկանիշներով քրեական վարույթ է նախաձեռնվել։

·  ՆԳՆ Կիբեռոստիկանությունը զգուշացնում է արտերկրից կատարվող քաղաքական ենթատեքստով սպառնալից զանգերի և նամակների մասին, որոնց նպատակն է ազդել քաղաքացիների ընտրական իրավունքի վրա։

·  Իրանի արտաքին գործերի նախարարը հայտնել է, որ ամերիկյան կողմի հետ հաղորդագրություններ են փոխանակվել Բեյրութի վրա հարձակումները դադարեցնելու շուրջ, սակայն բանակցություններում առաջընթաց չկա։

·  Ադրբեջանն ու Եվրոպական միությունը համաձայնեցրել են գործընկերության առաջնահերթությունները և վերսկսել ռազմավարական ու տնտեսական գործակցության շուրջ ընդհատված բանակցությունները։

·  Հայաստանի տարածքում և մայրաքաղաքում առաջիկա օրերին սպասվում է կարճատև անձրև, ամպրոպ և հնարավոր կարկուտ, իսկ օդի ջերմաստիճանն աստիճանաբար կբարձրանա 2-4 աստիճանով։