12:00 Լուրերը մեկ տողով. Մոսկվան հայտնում է՝ կոշտ պահանջ է դրել Եվրամիությունը. աղմկահարույց սպանության գործի վերաբացում

Անցած ժամվա լուրերը՝ հակիրճ և բովանդակային.

•Վարչապետ Նիկոլ Փաշինյանը նախընտրական քարոզարշավի շրջանակում անդրադարձել է Արցախի վերաբերյալ իր նախկին հայտարարություններին և նշել, որ երկիրը ազատել է պետականության կորստի գայթակղությունից:

•«Բարգավաճ Հայաստան» կուսակցության առաջնորդ Գագիկ Ծառուկյանն ամփոփել է Արարատի մարզի քարոզարշավային հանդիպումները՝ ընդգծելով ներքին համերաշխության և միասնականության կարևորությունը:

•Գլխավոր դատախազը նոր ի հայտ եկած փաստերի հիման վրա վերացրել է ՆԳ և ԱԱ նախկին փոխնախարարի սպանության գործով վարույթը կարճելու և թիկնապահների քրեական հետապնդումը դադարեցնելու որոշումները:

•ԱՄՆ վարչակազմը 60 երկրներից ներմուծվող ապրանքների համար պատրաստում է նոր սակագներ՝ հարկադիր աշխատանքի դեմ ոչ բավարար պայքար մղելու պատճառով։

•Ռուսաստանի արտաքին գործերի նախարարությունը քննադատել է ԵԱՏՄ-ում մնալով հանդերձ Եվրամիությանը միանալու Հայաստանի ձգտումները՝ այն որակելով որպես մանիպուլյացիա:

•Ռուսաստանի Արտաքին հետախուզության ծառայությունը հայտարարել է, որ Եվրամիությունը Հայաստանից պահանջում է խզել Ռուսաստանի հետ բազմադարյա կրոնահոգևոր կապերը՝ որպես եվրաինտեգրման պայման: