Քաղաքականություն

Պուտինը նոր պահանջ է ներկայացրել՝ Ռուսաստանի քաղաքացիություն ստանալու համար

Պուտինը նոր պահանջ է ներկայացրել՝ Ռուսաստանի քաղաքացիություն ստանալու համար
Ռուսաստանում օտարերկրացիների քաղաքացիության ստացման կանոնները խստացվել են։ Ռուսաստանի Դաշնության նախագահ Վլադիմիր Պուտինը ստորագրել է հրամանագիր, որով փոփոխություններ են կատարվում օտարերկրյա…

Ռուսաստանում օտարերկրացիների քաղաքացիության ստացման կանոնները խստացվել են։ 


Ռուսաստանի Դաշնության նախագահ Վլադիմիր Պուտինը ստորագրել է հրամանագիր, որով փոփոխություններ են կատարվում օտարերկրյա քաղաքացիներին ՌԴ քաղաքացիություն շնորհելու ընթացակարգում։ Այսուհետ դիմումատուները պարտավոր են պաշտոնական փաստաթուղթ ներկայացնել իրենց երկրում դատվածության բացակայության կամ առկա հանցագործությունների վերաբերյալ դատավճիռների մասին:


Ըստ սահմանված նոր կարգի՝ պահանջվող փաստաթուղթը պետք է տրամադրված լինի հայցողի քաղաքացիության երկրի իրավասու մարմինների կողմից։ Ընդ որում, սահմանվել է նաև հստակ ժամկետ. տեղեկանքը վավերական է համարվելու միայն այն դեպքում, եթե տրվել է դիմումի ներկայացման օրվանից ոչ շուտ, քան երեք ամիս առաջ։


Նոր իրավական կարգավորումներում նախատեսվել է նաև բացառություն որոշակի խմբի համար: Ուկրաինայի այն քաղաքացիները, ովքեր տեղափոխվել են Ռուսաստանի տարածք, մինչև 2028 թվականի հունվարի 1-ը հնարավորություն կունենան դիմել քաղաքացիության համար՝ առանց դատվածության մասին նշված փաստաթուղթը պարտադիր ներկայացնելու։ 

Նմանատիպ հոդվածներ

Ավելին Քաղաքականություն բաժնից

AURORA TV

Դիտել ուղիղ եթեր

Արագ որոնում

Հանրաճանաչ թեմաներ

Հայաստան (7366) Միջազգային (3218) ԱՄՆ (2278) Ռուսաստան (2083) Իրան (1732) Ընտրություններ (1271) Ուկրաինա (818) Երևան (795) Իսրայել (758) Ադրբեջան (617) Փաշինյան (558) Եվրոպա (510) Ընդդիմություն (435) Թրամփ (427) Ազգային ժողով (406)

Radio Aurora

Լսել Radio Aurora

Գովազդային տարածք

300x250