ՏԵՍԱՆՅՈՒԹ․ Միլիոնավոր մարդիկ հնարավորություն կունենան հարմար գներով լոլիկ գնել․ Պապոյան

Միլիոնավոր մարդիկ հնարավորություն կունենան հարմար գներով լոլիկ գնել։ Այս մասին  NEWS.am-ի թղթակցի հետ զրույցում հայտարարել է արձակուրդում գտնվող Հայաստանի էկոնոմիկայի նախարար Գևորգ Պապոյանը։

«Մենք լուծումներ կգտնենք այն մարդկանց համար, որոնք բարձրացնում են լոլիկի իրացման խնդիրը, և դրա մասին կհայտնենք վաղը չէ մյուս օրը։ Կառավարությունը բոլորին օգնություն կցուցաբերի, որի արդյունքում բերքը կիրացվի, իսկ քաղաքացիները կգնեն արտադրանքը մատչելի գնով, գները կնվազեն։ Դրանից կշահի ամբողջ բնակչությունը, ջերմոցների սեփականատերերը կկարողանան իրացնել իրենց ապրանքը։ Բոլորի համար լավ լուծումներ կգտնվեն։

Այս արտադրանքն արդեն իրացվում է երկրի ներսում։ Ես տեսնում եմ գների որոշակի նվազում, ինչը տրամաբանական է։ Մենք սերտորեն կաշխատենք նաև քաղաքապետարանի հետ՝ վաճառքի կետեր կազմակերպելու համար, կմշակենք եվրոպական երկրներ արտադրանքի արտահանման աջակցության նախագիծ», - նշել է Պապոյանը։

Ըստ նրա, «Վերին Լարս» անցակետում իրավիճակը նորմալ է, բացի այն մեքենաներից, որոնք տեղափոխում են Ռուսաստանի սահմանափակումների տակ հայտնված ապրանքներ (ծաղիկներ, բանջարեղեն, միրգ, «Ջերմուկ» հանքային ջուր, մի քանի ընկերությունների ալկոհոլային արտադրանք)։