ՀՀ-ում ՌԴ դեպանը կանչվել է Մոսկվա

Ռուսաստանի Դաշնության արտաքին գործերի նախարարությունը խորհրդակցությունների նպատակով Մոսկվա է կանչել Հայաստանի Հանրապետությունում ՌԴ արտակարգ և լիազոր դեսպան Սերգեյ Կոպիրկինին։ Այս մասին պաշտոնական հայտարարություն է տարածել ՌԴ արտաքին քաղաքական գերատեսչությունը։

Ըստ Ռուսաստանի ԱԳՆ պաշտոնական կայքում հրապարակված հաղորդագրության՝ դիվանագետին հետ կանչելու որոշումը կապված է Հայաստանի իշխանությունների վարած քաղաքականության հետ։ Մոսկվան այդ քայլերը որակում է որպես մերձեցում Եվրոպական միության հետ։

Ռուսական կողմի պնդմամբ՝ Երևանի ու Բրյուսելի միջև հարաբերությունների սերտացմանն ուղղված գործողությունները վնաս են հասցնում Եվրասիական տնտեսական միության (ԵԱՏՄ) շրջանակներում իրականացվող փոխգործակցությանը։ Այս պահին այլ մանրամասներ կամ դեսպանի վերադարձի ժամկետներ չեն հաղորդվում։