09:00 Լուրերը մեկ տողով. Քոչարյանի «մեկ զանգը», իշխանության զավթման փորձն ու օդի տագնապալի աղտոտվածությունը

Անցած ժամվա լուրերը՝ հակիրճ և բովանդակային.

·  Բանակի կերպափոխման հայեցակարգ. Հայաստանի պաշտպանության նախարարությունը շեշտը դնում է ավելի թեթև, շարժունակ և հարվածային սպառազինության անցնելու վրա, քանի որ ժամանակակից պատերազմները ցույց են տալիս զրահատեխնիկայի դերի նվազումը:

·  Իշխանության զավթման փորձի վերաբերյալ հաղորդում. «Անկախ դիտորդ» դաշինքը Դատախազություն է ներկայացրել 15 էջանոց հաղորդում, ըստ որի՝ ՌԴ պաշտոնատար անձինք, ներգրավելով ՀՀ քաղաքացիների, փորձել են ապատեղեկատվության և քաղաքական ուժերի ֆինանսավորման միջոցով երկրում իշխանություն զավթել ու փողեր լվանալ

·  Անդրադարձ 44-օրյա պատերազմին և ՀԱՊԿ-ին. ՀՀ երկրորդ նախագահը հայտարարել է, որ համապատասխան ընթացակարգեր չկիրառելու պատճառով կառույցը չի միջամտել պատերազմին, մինչդեռ ինքը մեկ հեռախոսազանգով կլուծեր այդ հարցը:

·  ԱՄՆ-ի կողմից իրանական ակտիվների բռնագրավում. Միացյալ Նահանգների ֆինանսների նախարարը հայտնել է տնտեսական ֆորումի ժամանակ, որ երկիրը բռնագրավել է Իրանի հետ կապված շուրջ 1 միլիարդ դոլարի կրիպտոակտիվներ:

·  Հորմուզի նեղուցում Իրանի արտոնությունները. Իրանի խորհրդարանի հանձնաժողովի նախագահը հայտարարել է, որ ռազմավարական գործընկերներ Ռուսաստանն ու Չինաստանը մշտական աջակցության համար կօգտվեն նեղուցով նավագնացության հատուկ պայմաններից:

·  Օդի աղտոտվածության ցուցանիշները հանրապետությունում. Հիդրոօդերևութաբանության և մոնիթորինգի կենտրոնի տվյալներով՝ մայիսի 16-22-ը ընկած ժամանակահատվածում մթնոլորտային օդում փոշու պարունակությունը գերազանցել է թույլատրելի նորման Վանաձորում, Գյումրիում և Հրազդանում: