Հարված հայ տնտեսվարողներին. ՌԴ-ն մրգի և բանջարեղենի ներմուծումը կփոխարինի այլ շուկաներով

ՀՀ–ից մրգերի և բանջարեղենի ՌԴ ներմուծման արգելքն ուժի մեջ մտնելուց հետո Ռուսաստանը կփոխարինի դրանք այլ շուկաներից ներմուծվող ծավալներով, «Իզվեստիա»-ին ասել է Ռուսաստանի տնտեսական զարգացման նախարար Մաքսիմ Ռեշետնիկովը։

«Մեր շուկաների վրա որևէ ազդեցություն չի լինի: Երեկ ինձ հարցրին, թե արդյոք գնաճ չի՞ լինի։ Մենք վիճակագրական այս թվերից ոչ մեկում փոփոխություն չենք նկատի: Սրանք բավականին նիշային ապրանքներ են, և մենք այդ ծավալների մեծ մասը բավարարում ենք մեր սեփական արտադրության միջոցով: Այս ոլորտներում մենք ունենք մեր շուկաների մատակարարման բավականին դիվերսիֆիկացված կառուցվածք»,–ասել է նա:

Երեկ «Ռոսսելխոզնադզորը» հայտարարել էր, որ Ռուսաստանը մայիսի 30-ից սկսած սահմանափակելու է մրգերի և բանջարեղենի ներմուծումը Հայաստանից: