Վլադիմիր Պուտինի և Նիկոլ Փաշինյանի միջև շփումներ չեն սպասվում․ Պեսկով

Մոտ ապագայում ՌԴ նախագահ Վլադիմիր Պուտինի և ՀՀ վարչապետ Նիկոլ Փաշինյանի միջև շփումներ չեն սպասվում, դրանք արդեն վերջերս կայացել են, այսպես է մեկնաբանել Ռուսաստանի Դաշնության նախագահի մամուլի քարտուղար Դմիտրի Պեսկովը՝ Հայաստանի Հանրապետության արտաքին քաղաքական կուրսի փոփոխությունները: 

Լրագրողների հետ հանդիպման ժամանակ նա անդրադարձել է Երևանի և Եվրամիության միջև հարաբերությունների խորացման իրավական հիմքերին:

Ռուսաստանի նախագահի ներկայացուցչի պնդմամբ՝ Հայաստանում ընդունվել է համապատասխան օրենսդրական ակտ, որը երկրի իշխանություններին ու պետական կառույցներին պարտադրում է առաջնորդվել եվրոպական ինտեգրման դիրքորոշմամբ: ըստ Պեսկովի՝ այդ իրավական կարգավորումն արդեն իսկ պարտավորեցնող ուժ ունի ՀՀ կառավարության համար:

Կրեմլի խոսնակը չի հստակեցրել, թե կոնկրետ որ օրենքի կամ իրավական փաստաթղթի մասին է խոսքը, սակայն շեշտել է, որ գործընթացն ունի իրավաբանական ձևակերպում: Հայկական կողմն այս հայտարարության վերաբերյալ դեռևս պաշտոնական պարզաբանում կամ մեկնաբանություն չի տարածել: