Տնտեսական ճնշում՝ Երևանի վրա․ Ռուսաստանը հետ է վերադարձնում բազմաթիվ բեռնատարներ

Ռուս-վրացական սահմանին արդեն մի քանի օր է՝ արգելափակված է մոտ 100 հայկական բեռնատար։ Վարորդները հայտարարում են քաղաքական ճնշումների մասին. ձկով, հատապտուղներով և ծաղիկներով բեռնված մեքենաները ստուգումների պատրվակով հետ են վերադարձնում Հայաստան, այս մասին գրում է  Хроника Кавказа տելեգրամյան ալիքը։

«Երևան են ժամանել «Ռոսսելխոզնադզորի» տեսուչները՝ տեղի ջերմոցներն ու ձկնաբուծարանները ստուգելու համար։ Ավելի վաղ Ռուսաստանի Դաշնությունն արդեն արգելափակել էր հայկական ալկոհոլի, ծաղիկների և «Ջերմուկ» հանքային ջրի ներմուծումը։

Տնտեսական լծակները գործի են դրվել Հայաստանում խորհրդարանական ընտրություններից երկու շաբաթ առաջ։ Մոսկվան Երևանից բացահայտ պահանջում է ընտրություն կատարել Եվրամիությանն ուղղված կուրսի և ԵԱՏՄ-ին անդամակցության միջև»,-  գրում է ալիքը։