Լեհաստանի ԱԳՆ-ն զգուշացնում է Ռուսաստանին

Լեհաստանի ԱԳՆ հայտարարության մեջ ասվում է, որ «Ռուսաստանը, ինչպես ինքն է հայտարարում, վարում է ոչ թե պատերազմ, այլ այսպես կոչված «հատուկ ռազմական գործողություն», որն ըստ սահմանման պետք է սահմանափակվի ռազմական օբյեկտներով, ցանկացած հարձակում այլ ենթակառուցվածքների վրա, ներառյալ դիվանագիտական ներկայացուցչությունները, պետք է դիտարկվի որպես ոչ բարեկամական գործողություն»։

Լեհաստանի ԱԳՆ-ում նշել են, որ ՌԴ գործողություններն առաջացնում են լուրջ իրավական ու միջազգային հետևանքներ և հերթական անգամ խաթարում են նրա դերը՝ որպես ՄԱԿ-ի Անվտանգության խորհրդի մշտական անդամի։

«Լեհաստանի Հանրապետության արտաքին գործերի նախարարությունը հայտարարում է, որ անփոփոխ կերպով դիտարկում է Ուկրաինայի դեմ ցանկացած հարձակում, այդ թվում՝ օբյեկտների և քաղաքացիական բնակչության վրա, որպես չարդարացված ագրեսիայի գործողություն, որը հանգեցնում է զանգվածային մարդկային զոհերի և ենթակառուցվածքային կորուստների»,-ասվում է Լեհաստանի ԱԳՆ հայտարարության մեջ։