17:00 Լուրերը մեկ տողով. Փաշինյանը պատասխանել Պուտինին. Թուրքիայում պառակտում է սկսվել

Անցած ժամվա լուրերը՝ հակիրճ և բովանդակային.

•Նիկոլ Փաշինյանը հայտարարել է, որ ինքը ԵԱՏՄ-ում բավականին մեծ ազդեցություն ունեցող միակ պաշտոնյան է, և իր համար կառույցում անլուծելի հարցեր չկան:

•Վարչապետը, անդրադառնալով Վլադիմիր Պուտինի հայտարարությանը, նշել է, որ Հայաստանն այս պահին ԵԱՏՄ-ի և ԵՄ-ի միջև ընտրություն կատարելու անհրաժեշտություն չունի:

•Ֆրանսիական կողմի նախաձեռնությամբ հեռախոսազրույց է տեղի ունեցել Էմանուել Մակրոնի և Ալեքսանդր Լուկաշենկոյի միջև՝ տարածաշրջանային հարցերի շուրջ:

•Մասուդ Փեզեշքիանը հայտարարել է, որ Իրանում ոչ մի կարևոր որոշում չի ընդունվում առանց երկրի գերագույն առաջնորդի թույլտվության:

•«Նյու Յորք Թայմս»-ի հաղորդմամբ՝ ԱՄՆ-ի հետ սպասվող գործարքը Իրանին թույլ կտա ապասառեցնել արտերկրում գտնվող 25 միլիարդ դոլարի ակտիվները:


•Թուրքիայի գլխավոր ընդդիմադիր կուսակցությունում դատարանի որոշումից հետո պառակտում է սկսվել, ինչը հանգեցրել է կողմնակիցների միջև բախումների և ծեծկռտուքի: