16:00 Լուրերը մեկ տողով. Պետդումայի «հարվածը» միգրանտներին. Հայաստանում ԱՄՆ դեսպանատնից զգուշացնում են

Անցած ժամվա լուրերը՝ հակիրճ և բովանդակային.

•Ռուսաստանի Պետդումայի ղեկավար Վյաչեսլավ Վոլոդինը կողմ է արտահայտվել միգրանտների համար պետական տուրքերի բազմակի, այդ թվում՝ քաղաքացիության վճարի 12-ապատիկ ավելացմանը:

•Նիկոլ Փաշինյանը հայտարարել է, որ սպասվող շքերթին ընդառաջ՝ մայիսի 28-ին ամբողջ զինտեխնիկան հանրության համար ցուցադրված է մնալու Տիգրան Մեծ պողոտայում:

•Իրանական հակաօդային պաշտպանության համակարգերը երկրի հարավում հետախուզական առաջադրանք կատարող իսրայելական անօդաչու թռչող սարք են խոցել:

•Պակիստանի հարավ-արևմուտքում զինվորականներով բեռնված հատուկ գնացքը ենթարկվել է ականապատ մեքենայի հարձակման, ինչի հետևանքով կան տասնյակ զոհեր:

•Կիևի վրա ռուսական ուժերի իրականացրած գիշերային հարձակման և պայթյունի ալիքի հետևանքով վնասվել է Ադրբեջանի դեսպանատան շենքը:

•Վրաստանի խորհրդարանը քննարկում է օրինագիծ, որով բնապահպանական խախտումների և առանց թույլտվության գործունեության համար տուգանքները կեռապատկվեն:

•Հայաստանում ԱՄՆ դեսպանատունը զգուշացրել է քաղաքացիներին, որ Միացյալ Նահանգներում սահմանված ժամկետից երկար մնալը կարող է հանգեցնել մուտքի մշտական արգելքի: