15:00 Լուրերը մեկ տողով. Փաշինյանի խոստումը ԵՄ վիզաների մասին. ԵՄ նոր պատժամիջոցներ՝ ՌԴ-ի դեմ

Անցած ժամվա լուրերը՝ հակիրճ և բովանդակային.

•Կենտրոնական ընտրական հանձնաժողովը հիշեցնում է, որ խորհրդարանական ընտրություններին ընդառաջ ընտրատեղամասը փոխելու դիմումների վերջնաժամկետը մայիսի 26-ն է:

•Նիկոլ Փաշինյանը վստահեցրել է, որ առավելագույնը երկու տարում կլուծվի Հայաստան-Եվրամիություն վիզաների ազատականացման հարցը:

•Սամվել Կարապետյանը հայտարարել է, որ քաղաքական ուժերը սպառել են իրենց, և իրենց կուսակցությունը թույլ չի տա ժողովրդի թրքացումը:

•Թուրքիայի արևմուտքում զբոսաշրջիկների տեղափոխող ավտոբուսի վթարի հետևանքով 46 մարդ է վիրավորվել, նրանց կյանքին վտանգ չի սպառնում:

•Եվրամիության դիվանագիտության ղեկավար Կայա Կալասը հայտնել է, որ Կիևին «Օրեշնիկ» հրթիռով հարվածելուց հետո կքննարկեն Ռուսաստանի նկատմամբ ճնշման ուժեղացումը:

•Մարիա Զախարովայի փոխանցմամբ՝ 19 երկրի ավելի քան 50 օտարերկրյա լրագրող է մեկնել Ստարոբելսկի քոլեջի վրա Ուկրաինայի հարձակման վայր: