10:00 Լուրերը մեկ տողով. Երկաթուղային պատմական բացում, հարձակում Կիևի վրա

Անցած ժամվա լուրերը՝ հակիրճ և բովանդակային.

•Հայաստանից արտահանումների և ներմուծումների համար բացվել է Ախալքալաք–Կարս երկաթուղին, հայտնել է վարչապետ Նիկոլ Փաշինյանը։

•Պետական դավաճանության մեջ մեղադրվող պատգամավորի թեկնածուն երկու ամսով կալանավորվել է, սակայն նրա պաշտպանը հայտնել է որոշումը բողոքարկելու մտադրության մասին։

•Ընտրություններին մասնակցող մեկ այլ պատգամավորի թեկնածուի մոտ հայտնաբերվել են Ռուսաստանի Դաշնության քաղաքացիությունը վկայող փաստաթղթեր, ինչը նա նախկինում հերքել էր։

•Վաշինգտոնում՝ Սպիտակ տան մոտ, անհայտ տղամարդը կրակոցներ է արձակել և Գաղտնի ծառայության պատասխան կրակի արդյունքում հիվանդանոցում մահացել է։

•Ռուսական զորքերը զանգվածային հարձակման են ենթարկել Կիևը, ինչի հետևանքով կան բազմաթիվ ավերածություններ, վիրավորներ և մեկ զոհ։

•ԱՄՆ-ն և Իրանը մոտեցել են հրադադարի ռեժիմը 60 օրով երկարաձգելու և պատժամիջոցների փուլային մեղմացման շուրջ համաձայնությանը։

•Հայ ըմբիշը 10:0 հաշվով բացարձակ հաղթանակ է տարել թուրք մրցակցի նկատմամբ և նվաճել Եվրոպայի մինչև 15 տարեկանների առաջնության ոսկե մեդալը։

•Հայաստանի առանձին շրջաններում և մայրաքաղաքում առաջիկա օրերին սպասվում է կարճատև անձրև, ամպրոպ, քամու ուժգնացում և գետերում ջրի ելքերի մեծացում։