ՏԵՍԱՆՅՈՒԹ. Ինչ առաջարկ են արել Սամվել Կարապետյանին իր կալանավորման 5-րդ օրը. մանրամասներ

Ընդդիմությունը պատրաստ է պայքարի ցանկացած ձևի։ Այս մասին հայտարարել է տնային կալանքի տակ գտնվող, «Ուժեղ Հայաստան» կուսակցությունից վարչապետի թեկնածու, գործարար և բարերար Սամվել Կարապետյանը հայկական լրատվամիջոցների խմբագիրների մի խմբի հետ հանդիպման ժամանակ։

Պատասխանելով այն հարցին, թե արդյոք ընդդիմությունը պատրաստ է փողոցային պայքարի, Կարապետյանը վստահեցրել է, որ ընդդիմությունը պատրաստ է պայքարի ցանկացած տեսակի։ Նրա խոսքով՝ տեղի ունեցողը՝ խուզարկությունները և Անդրանիկ Թևանյանի ու մյուսների նկատմամբ քրեական հետապնդումը, իշխող կուսակցության ներսում ընթացող գործընթացների արդյունք է. նրանք, այցելելով մարզեր և համոզվելով վարկանիշի աղետալի անկման մեջ, դիմել են բռնաճնշումների։ Սակայն դա նրանց չի օգնի. մեկին կձերբակալեն, նրա տեղը կզբաղեցնեն հազարավոր ուրիշներ, նշել է Կարապետյանը։

Պատասխանելով խնդրանքին՝ պարզաբանելու, թե ինչ գործարք էին իրեն առաջարկել իշխանությունները, Կարապետյանը հայտնել է, որ մի առաջարկ փոխանցվել էր, երբ ինքը գտնվում էր բանտախցում․ առաջարկը փոխանցել էին մոսկվացի ընկերների միջոցով, սակայն դրանից առաջ, դեռ մինչև ձերբակալությունը, բարձր մակարդակով առաջարկել էին գնալ մարդաշատ վայրում սուրճ խմելու և հայտարարել, որ չի պաշտպանելու եկեղեցին։ Դրանից հետո ՀԷՑ-ը և մնացած ամեն ինչ կվերադարձվի։ «Առաջարկը չընդունեցի և առաջ գնացի», - արձանագրել է Կարապետյանը։