«Չեք գողանա մեր ժողովրդավարությունը»․ Իոաննիսյանը՝ համազգային դիմադրության մասին

«Իրազեկ քաղաքացիների միավորում» հասարակական կազմակերպության հիմնադիր Դանիել Իոաննիսյանը գրում է․

«Պատերազմից (պատերազմներից) հետո ես առաջին անգամ ունենում եմ հանրային մոբիլիզացիայի զգացում։ 

Տարբեր պետական մարմիններ, ՀԿ-ներ, բիզնեսմեններ, լրատվամիջոցներ, TV-ներ, ռադիոներ, ակտիվիստներ ու սովորական քաղաքացիներ միասին պայքարում են ընտրական ապօրինություններ ու ռուսաստանյան միջամտության դեմ։

Կուզենամ թվարկեմ այդ անձանց մի մասին, որոնք հենց մեր հետ են աշխատում/համագործակցում.

-Տեղեկություններ ու փաստեր մեզ ուղարկող քաղաքացիներ, որոնց մեծ մասը դրա համար փող չի ուզում. «էտ փողը մի ուրիշ տեղ կծախսեք» ձևակերպմամբ։

-ՌԴ-ում սեփական ազատությունը վտանգելքվ ընտրությունների միջամտության մասին փաստեր հավաքողներ։

-Հանրային իրազեկման արշավում մեր նյութերը ինքնարժեքով ու անգամ անվճար տարածող արտաքին գովազդի կազմակերպություններ։

-Մեր հոլովակների համար լուրջ զեղչեր անող (երբեմն` կրկին անվճար) TV֊ներ ու ռադիոներ։ Մեր թռուցիկները անվճար բաժանող սահմանապահներ։ 

-Մեր ուղերձներն ու նյութերը ինքնուրույն տարածող բլոգերներ, մեր վիդեոները սեփական միջոցներով գովազդող անհատներ։

Դուք բոլորդ գանձ եք։ Դուք բոլորդ այս երկրի դիմադողունակությունն եք։ Քանի դուք կաք` ոչ մեկ չի կարողանա գողանալ մեր ժողովրդավարությունը (որը, իհարկե, դեռ աճելու շատ տեղ ունի)»։