09:00 Լուրերը մեկ տողով. 622 հազար դոլար՝ լրտեսության համար, Նիկոլ Փաշինյանը՝ Google Maps-ում Տիգրանաշենն Ադրբեջանի տարածքի մասին

Անցած ժամվա լուրերը՝ հակիրճ և բովանդակային.

· Ազգային անվտանգության ծառայության հաղորդման հիման վրա Քննչական կոմիտեում պետական դավաճանության և լրտեսության հատկանիշներով քրեական վարույթ է նախաձեռնվել քաղաքական գործիչ Անդրանիկ Թևանյանի նկատմամբ, ինչի շրջանակներում իրավապահները խուզարկություն են իրականացրել «Մայր Հայաստան» կուսակցության գրասենյակում։

· Վարչապետ Նիկոլ Փաշինյանը մամուլի ասուլիսի ընթացքում անդրադարձել է Google Maps-ում Տիգրանաշենն Ադրբեջանի տարածքում պատկերելու խնդրին և ներկայացրել 2020 թվականի պատերազմից հետո իր ունեցած ապրումներն ու Արցախյան հարցի շուրջ վերլուծությունները։

· «Ռոսսելխոզնադզորը» պաշտոնական նամակով տեղեկացրել է հայկական կողմին, որ սահմանափակումներ է մտցնում Հայաստանից Ռուսաստան ծաղիկների ներմուծման վրա։

· Աշտարակ քաղաքում տեղի է ունեցել «Ուժեղ Հայաստան» կուսակցության հանրահավաքը, որին, ըստ «Իրազեկ քաղաքացիների միավորման» աերոնկարահանման հաշվարկի, մասնակցել է շուրջ 1280 մարդ։

· Իսրայելի հանրային հեռուստաընկերության գլխավոր տնօրենը պաշտոնապես ներողություն է խնդրել Հայաստանի Հանրային հեռուստաընկերությունից՝ «Եվրատեսիլ 2026»-ի ընթացքում տեղի ունեցած գրաֆիկական սխալի և Հայաստանի փոխարեն Ադրբեջանի դրոշը ցուցադրելու համար։

· Բելառուսի Անվտանգության խորհուրդը հայտարարել է, որ Լիտվան իր օդային տարածքը բացել է դեպի Ռուսաստան ուղղվող ուկրաինական անօդաչու թռչող սարքերի համար՝ մտահոգություն հայտնելով Բալթյան երկրների քաղաքականության վերաբերյալ։