20:00 Լուրերը մեկ տողով.«Ջերմուկի» հանքային ջրի կասեցում. Պուտինի սենսացիոն կոչը զինվորներին

Անցած ժամվա լուրերը՝ հակիրճ և բովանդակային.

•Ռուսաստանը ժամանակավորապես կասեցրել է հայկական «Ջերմուկ» հանքային ջրի բոլոր խմբաքանակների ներմուծումն ու շրջանառությունը՝ մակնշման անհամապատասխանության պատճառով:

•ԱՊՀ միջխորհրդարանական վեհաժողովում ՀՀ պատվիրակությունն անդրադարձել է Վաշինգտոնյան հռչակագրին և տարածաշրջանում խաղաղության գործընթացի տեսանելի արդյունքներին:

•Երևանում ընթացող քարոզարշավի ժամանակ ՀՀ վարչապետ Նիկոլ Փաշինյանն իր ելույթում անդրադարձել է ընդդիմությանը:

•ԲՀԿ մամուլի խոսնակը հայտարարել է, որ կուսակցության դեմ սկսված արշավը բացառապես քաղաքական նպատակ հետապնդող վախի մթնոլորտ ձևավորելու փորձ է:

•Ռուսաստանի նախագահը կոչ է արել ուկրաինացի զինվորներին չկատարել իշխանությունների հրամանները՝ ճակատում ստեղծված աղետալի իրավիճակի ֆոնին:

•Ուկրաինայի նախագահ Վլադիմիր Զելենսկին հրավեր է ստացել մասնակցելու Անկարայում կայանալիք ՆԱՏՕ-ի գագաթնաժողովին, սակայն նրա մասնակցությունը դեռ հստակ չէ:

•Միգրացիայի և քաղաքացիության ծառայությունը դիմումների ընդունման վերջնաժամկետով պայմանավորված կաշխատի նաև հանգստյան օրերին՝ նախնական հերթագրմամբ:

•Առաջիկա օրերին Հայաստանում և մայրաքաղաքում սպասվում են անձրևներ ու ամպրոպ, իսկ օդի ջերմաստիճանը աստիճանաբար կբարձրանա 4-5 աստիճանով: