18:00 Լուրերը մեկ տողով. Երևանին կանգնեցրել են ընտրության առաջ. Սևանի «փրկության» նոր ծրագիրը

Անցած ժամվա լուրերը՝ հակիրճ և բովանդակային.

•Ռուսաստանի փոխվարչապետը հայտարարել է, որ Երևանը պետք է շուտ կողմնորոշվի ԵՄ-ի և ԵԱՏՄ-ի միջև, իսկ դուրս գալու դեպքում կվերանայվեն էներգակիրների արտոնյալ գները։

•Իրավապահների կողմից բնակարանի և գրասենյակի խուզարկությունից հետո Անդրանիկ Թևանյանը գնացել է ԿԸՀ, որտեղ քննվում է նրան անձեռնմխելիությունից զրկելու հարցը։

•ԱԺ փոխնախագահ Ռուբեն Ռուբինյանը և Հայաստանում ԱՄՆ գործերի ժամանակավոր հավատարմատարը քննարկել են տարածաշրջանային անվտանգությունն ու Հայաստան-Թուրքիա հարաբերությունները։

•Եվրամիությունը նոր նախագծով աջակցելու է Հայաստանին Սևանա լճի էկոհամակարգի վերականգնման և կենսաբազմազանության երկարաժամկետ պահպանության գործում։

•Սերբիայի նախագահ Ալեքսանդար Վուչիչը հայտարարել է, որ ԵՄ-ին անդամակցելու իրենց ձգտումը չի խաթարի ԱՄՆ-ի հետ ունեցած կենսական հարաբերությունները։

•Կատարի պատվիրակությունը Վաշինգտոնի համաձայնությամբ ժամանել է Թեհրան՝ նպաստելու Իրանի հետ հակամարտության դադարեցման համաձայնագրի կնքմանը։

•ԱՄՆ պետքարտուղար Մարկո Ռուբիոն հայտարարել է, որ Վաշինգտոնը դաշնակիցների հետ համակարգված ճշգրտումներ է մտցնում Եվրոպայում իր զորքերի ներկայության մեջ։