Արա’, գերդաստանումդ 6 տղա ես ունեցել, ինչի՞ չեն զոհվել կամ վիրավորվել. Պապիկյանը՝ Սամվել Կարապետյանին

 ՔՊ-ի` Վանաձորում կայացած ամփոփիչ հանրահավաքի ժամանակ ՀՀ ՊՆ նախարար Սուրեն Պապիկյանը դիմել է Սամվել Կարապետյանին.

««Ուժեղ Հայաստան» իրենց հորջորջող մի փոքրիկ խմբակ էլ ծվարել է Լոռիում: Ուրեմն, դրանց կալուգացի առաջնորդը վերջերս 2 անգամ խոսում է Լոռին չհանձնելու, պաշտպանելու, այստեղ ջախջախիչ հաղթանակ տանելու մասին: Իբր, ինքը խիստ հայրենասեր ա: Արա′, հայրենասեր էիք, 44-օրյա պատերազմի ընթացքում ձեր զավակներին ուղարկեիք առաջնագիծ, ընչի էիք պահում թևի տակ, մամաների փեշի տակ: Լոռեցի 217 հայորդի` Հայաստանի քաղաքացիներ, 44-օրյա պատերազմի ընթացքում իրենց գլուխը դրեցին հանուն Հայաստանի Հանրապետության հարատևման, հանուն մեր պետականության, խոնարհումս նրանց:

Այդ ստահակները իրենց լակոտներին պահում էին օտար երկրներում, իրենց դղյակերում: Հիմա կալուգացի Սամո′, քեզ հարցնում եմ` գերդաստանումդ 6 չափահաս տղա ես ունեցել, 2-ը քոնը, 2-ը ախպորինդ, 2-ն էլ քրոջինդ, ինչի՞ չեն վիրավորվել կամ նահատակվել հանուն Հայաստանի: Դուք ո՞ր երկրի համար եք պայքարում: Դուք Հայաստանի համար երբեք չեք մտահոգվել, դուք դավադիր ստահակներ եք»: