12:00 Լուրերը մեկ տողով. Բաքվի կոշտ արձագանքը հայաստանյան ընդդիմությանը. Թորոսյանը պատասխանել է բռնաճնշումների լուրերին

Անցած ժամվա լուրերը՝ հակիրճ և բովանդակային.

•Դավիթ Խուդաթյանը հերքել է ընդդիմությանը մեկուսացնելու նպատակով գործարանը պետականացնելու լուրերը՝ ընդգծելով, որ ապօրինի վերցված բոլոր գույքերը վերադարձվելու են պետությանն ու քաղաքացիներին։

•ԲՀԿ առաջնորդը հայտարարել է, որ իշխանությունները նախընտրական արշավը վերածում են քաղաքական շանտաժի, սպառնալիքների ու վախի մթնոլորտի՝ չհանդուրժելով որևէ այլակարծություն։

•Աշխատանքի և սոցիալական հարցերի նախարարը պնդել է, որ երկրում քաղաքական բռնաճնշումներ չկան, իսկ իրավապահները պարզապես պայքարում են ընտրակաշառքների և օրենքի խախտումների դեմ։

•Արսեն Թորոսյանը հայտարարել է, որ Նիկոլ Փաշինյանի հնչեցրած հայտարարություններում սպառնալիքներ չկան, այլ առկա են հստակ քաղաքական գնահատականներ, քանի որ իրենք ջայլամային քաղաքականություն չեն վարում։

•Ադրբեջանական կողմը խստորեն քննադատել է «Ուժեղ Հայաստան» դաշինքի թեկնածու Սամվել Կարապետյանի խոստումը՝ իշխանության գալու դեպքում օրենքով արգելել ադրբեջանցիներին հող և անշարժ գույք գնել կամ նվեր ստանալ Հայաստանում։

•ՌԴ Անվտանգության խորհրդի քարտուղարը շեշտել է, որ հենց Մոսկվայի ներդրած ջանքերի ու աջակցության շնորհիվ է Հայաստանը 20-րդ դարի վերջին կարողացել պահպանել իր ինքնիշխանությունն ու դուրս գալ էներգետիկ շրջափակումից։

•Դաշինքի նախկին գլխավոր քարտուղարը հայտարարել է, որ ՆԱՏՕ-ն չի կարող գոյատևել առանց ԱՄՆ-ի, իսկ Եվրամիությունն ի վիճակի չէ ստանձնել այդ կառույցի դերը պաշտպանության և անվտանգության հարցերում։