15:00 Լուրերը մեկ տողով. ՊԵԿ-ի նոր փոփոխությունները, Իրանի շրջադարձային որոշումը և Լիտվայում հայտարարված տագնապը

Անցած ժամվա լուրերը՝ հակիրճ և բովանդակային.

•Հայաստանը կանոնակարգում է ԵՄ երկրներ ձկնամթերքի արտահանման գործընթացը, իսկ Սննդի անվտանգության տեսչական մարմինը սահմանվում է որպես լիազոր կառույց։

•Պետական եկամուտների կոմիտեն առաջարկում է ընդլայնել էլեկտրոնային ՀԴՄ-ների կիրառությունը՝ այն դարձնելով սովորական ՀԴՄ-ին հարմարավետ այլընտրանք։

•Չինաստանն ու Ռուսաստանը պայմանավորվել են խորացնել ռազմական ոլորտում փոխադարձ վստահությունը և ընդլայնել համատեղ զորավարժությունների պրակտիկան։

•Մոսկվան և Պեկինը հասել են ընդհանուր ըմբռնման «Սիբիրի ուժ 2» գազատարի նախագծի հիմնական պարամետրերի ու երթուղու շուրջ։

•Իրանի նախագահը հայտարարել է երկրում կառավարման նոր ու ստեղծագործական մեթոդների անցնելու անհրաժեշտության մասին։

•Լիտվայի մայրաքաղաքում ԱԹՍ հարձակման վտանգի պատճառով հայտարարվել է օդային տագնապ, ինչի հետևանքով երկրի ղեկավարությունն ու բնակիչներն իջել են ապաստարաններ։

•Ռուսաստանի Նիժնի Նովգորոդի մարզը ենթարկվել է ուկրաինական անօդաչուների զանգվածային հարձակման, ինչի պատճառով վնասվել են արդյունաբերական օբյեկտներ։