11:00 Լուրերը մեկ տողով. Սահմանամերձ կենսալաբորատորիաների շուրջ մտահոգություններից մինչև Մոսկվա-Պեկին գործակցություն

Անցած ժամվա լուրերը՝ հակիրճ և բովանդակային.

·Ռուսաստանի սահմանակից երկրներում, այդ թվում՝ Հայաստանում գործող կենսալաբորատորիաները ռուսական կողմից որակվել են որպես ոչ հրապարակային ռազմական գործողությունների և անտեսանելի պատերազմի արտահայտում։

·ՌԴ նախագահը հայտարարել է, որ Ռուսաստանի և Չինաստանի գործընկերությունն ուղղված չէ որևէ կողմի դեմ, այլ ծառայում է համաշխարհային խաղաղությանն ու միջազգային իրավունքի պաշտպանությանը։

·Ադրբեջանը հաջորդ ամսվա սկզբին նախատեսում է սկսել բնական գազի արդյունահանումը նոր հանքավայրից՝ ընդլայնելով իր դիրքերը եվրոպական էներգետիկ շուկայում։

·Միացյալ Նահանգները ձգտում է փոփոխել ռազմական պայմանագիրը՝ Գրենլանդիայում անժամկետ ներկայություն ապահովելու և օտարերկրյա ներդրումների նկատմամբ վետոյի իրավունք ստանալու համար։

·Ամերիկյան «SpaceX» ընկերության Տեխասի բազայում ենթակառուցվածքների արագացված բարելավման աշխատանքների ժամանակ դժբախտ պատահար է տեղի ունեցել, որի հետևանքով կապալառու ընկերության աշխատակից է զոհվել։

·Կալիֆոռնիայի Սան Դիեգո քաղաքի մզկիթում երկու դեռահաս կրակ են բացել՝ սպանելով երեք մարդու, որից հետո ինքնասպան են ել. ոստիկանությունը դեպքը քննում է որպես ատելության հողի վրա կատարված հանցագործություն։