18:00 Լուրերը մեկ տողով. Հայտարարություն՝ Վերջին զանգի հետ կապված. Ուկրաինայի ներողությունը

Անցած ժամվա լուրերը՝ հակիրճ և բովանդակային.

•ԿԳՄՍ նախարարի հրամանով հաստատվել է ֆիթնես կենտրոնների և մարզասրահների մարզիչների պարտադիր հավաստագրման կարգը։

•Հայաստանի հանրակրթական դպրոցներում «Վերջին զանգի» միջոցառումները կանցկացվեն մայիսի 22-ին և 23-ին։

•Իրավապահները պետք է իրենց գնահատականը տան, թե ոնց է ստացվում, թե որքան իրավական է այլ երկրի հետախուզական ծառայության աշխատակցի կողմից ՀՀ-ում կուսակցություն հիմնելը և քաղաքականության մեջ մտնելը. Ալեն Սիմոնյան:

•Արցախի հանրային խորհուրդը դատապարտել է ներքաղաքական պայքարում արցախցիների անվան շահարկումն ու թիրախավորումը։

•ՌԴ փոխվարչապետ Ալեքսեյ Օվերչուկը հայտարարել է, որ ռուսական ջանքերով մասամբ ապաշրջափակվել է Հայաստանի տրանսպորտային համակարգը։

•Ուկրաինայի պաշտպանության նախարարը ներողություն է խնդրել Էստոնիայից՝ երկրի օդային տարածքում ուկրաինական ԱԹՍ-ի անկման համար։

•Միլանի «Ինտեր»-ը տեսանյութ է նվիրել Հենրիխ Մխիթարյանին, ով ճանաչվել է Իտալիայի չեմպիոնության տիտղոսակիր խաղի լավագույն ֆուտբոլիստ։