16:00 Լուրերը մեկ տողով. Բելառուսի միլիարդանոց գործարքը Բաքվի հետ. քաղաքական թեժ բախումներ

Անցած ժամվա լուրերը՝ հակիրճ և բովանդակային.

•Մարդու իրավունքների պաշտպանի ներկայացուցիչները ձերբակալվածների պահման վայրում տեսակցել են Արաբկիրում քարոզարշավի ժամանակ տեղի ունեցած միջադեպից հետո ձերբակալված Արտուր Օսիպյանին։

•Հայաստանի վարչապետ Նիկոլ Փաշինյանը Սպիտակում ընթացող քարոզարշավի ժամանակ կոչ է արել հրաժարվել «կանգառի հոգեբանությունից» և երկիրն ընկալել որպես վերջնական հանգրվան։

•«Ուժեղ Հայաստան» դաշինքի վարչապետի թեկնածու Սամվել Կարապետյանը հակադարձել է իրեն օտարերկրյա լրտես անվանած Նիկոլ Փաշինյանին՝ վերջինիս մեղադրելով ապօրինությունների և ոչ բարեկամ երկրների հետ կապերի մեջ։

•Բելառուսը ծրագրում է մոտ 1 միլիարդ դոլարի ներդրումային մասնակցություն ունենալ Ադրբեջանի վերահսկողության տակ անցած տարածքներում իրականացվող քաղաքաշինական նախագծերին։

•Ռուսաստանի հետախուզությունը հայտարարել է, որ Ուկրաինան պատրաստվում է Մերձբալթյան երկրների, մասնավորապես՝ Լատվիայի տարածքից անօդաչու սարքերով հարվածներ հասցնել ՌԴ թիկունքային շրջաններին։

•Իսպանիայում ձերբակալվել է «Mango» բրենդի հիմնադրի որդին՝ Ջոնաթան Անդիկը, ով կասկածվում է բիզնես տարաձայնությունների պատճառով հոր սպանությունը լեռնային դժբախտ պատահարի անվան տակ կազմակերպելու մեջ։