15:00 Լուրերը մեկ տողով. Բայրամովի ուշագրավ հայտարարությունը. Իրանը նախազգուշացնում է

Անցած ժամվա լուրերը՝ հակիրճ և բովանդակային.

•Ընդդիմության վարչապետի թեկնածուն անդրադարձել է Ամենայն Հայոց Կաթողիկոսի հետ իր հանդիպմանը՝ շեշտելով, որ այն կրել է բացառապես ազգային ու հոգևոր բնույթ։

•Հայաստանի երկրորդ նախագահը հայտարարել է, որ Բաքվում պահվող հայ գերիների ազատ արձակման հարցը հնարավոր է լուծել ողջամիտ ժամկետներում։

•Ուկրաինական անօդաչու թռչող սարքի հարվածի հետևանքով Ռուսաստանի Յարոսլավլ մարզում արդյունաբերական օբյեկտ է հրկիզվել, ինչի պատճառով սահմանափակվել է երթևեկությունը դեպի Մոսկվա:  

•Էստոնիայի հակաօդային պաշտպանության համակարգն իր պատմության մեջ առաջին անգամ սեփական տարածքում անօդաչու թռչող սարք է խոցել։

•Իրանի ռազմական ղեկավարությունը նախազգուշացրել է ԱՄՆ-ին և նրա դաշնակիցներին՝ սպառնալով հզոր պատասխանով ցանկացած նոր ագրեսիայի դեպքում։

•Ադրբեջանի արտաքին քաղաքական գերատեսչության ղեկավարն անդրադարձել է Երևանի հետ հարաբերություններին՝ նշելով, որ Հայաստանի և Ադրբեջանի միջև մեկնարկած կարգավորման գործընթացը տարածաշրջանային ինտեգրման և փոխշահավետ համագործակցության անհրաժեշտ պայման է: