13:00 Լուրերը մեկ տողով. Դատարանի վերջնական վճիռ, ընդդիմության հայտարարություն, Թրամփ-Սի Ծինփին գաղտնի խոսակցություն

 Անցած ժամվա լուրերը՝ հակիրճ և բովանդակային.

·Վերաքննիչ դատարանը անփոփոխ է թողել վարչապետի շարասյան ուղեկցող մեքենայի վարորդի պատիժը՝ մեկուկես տարվա ազատազրկումը:

· «Հայաստան» դաշինքը դիմել է միջազգային կառույցներին՝ հայտարարելով հունիսի ընտրություններին ընդառաջ ոչ մրցակցային քաղաքական մթնոլորտի մասին: 

·ԲՀԿ առաջնորդը Սիսիանում և Գորիսում հանդիպել է բնակիչների հետ ու ներկայացրել սոցիալական խնդիրների լուծման իրենց ծրագիրը:

· Հայաստանի և Լիտվայի արտաքին գործերի նախարարները ստորագրել են երկկողմ հարաբերությունները ռազմավարական գործընկերության մակարդակի բարձրացնող փաստաթուղթ: 

·Թուրքիայում Ադրբեջանի դեսպանը հայտարարել է, որ տարածաշրջանում սահմանների բացումն ու խաղաղությունը կախված են Հայաստանի Սահմանադրության փոփոխությունից: 

·Իրանի առաջնորդը նախազգուշացրել է ԱՄՆ-ի կողմից պատերազմի շարունակման դեպքում թշնամու համար խոցելի նոր ճակատների բացման մասին:

· Մամուլի տեղեկություններով՝ Չինաստանի ղեկավարը ԱՄՆ նախագահի հետ հանդիպմանը նշել է, որ Ռուսաստանի նախագահը կարող է զղջալ Ուկրաինա ներխուժելու համար: