13:00 Լուրերը մեկ տողով. Ֆեյսբուքյան խուլիգանության համար՝ կալանք. Կիմ Չեն Ընի նոր հրամանը

 Անցած ժամվա լուրերը՝ հակիրճ և բովանդակային.

•Հայաստանում դրամի արժևորումը պայմանավորված է ֆինանսական հոսքերի ավելացմամբ և ամերիկյան դոլարի դիրքերի թուլացմամբ։ Կենտրոնական բանկը շարունակում է միջամտել արտարժույթի շուկային միայն այն ժամանակ, երբ առաջանում է միակողմանի դիսբալանս։

•Մերձավոր Արևելքում հակամարտության սրման պատճառով աշխարհում առաջացել է պարենային ու էներգետիկ ապրանքների թանկացման ռիսկ։ Ի տարբերություն գործընկեր երկրների տնտեսական աճի դանդաղման, Հայաստանում շարունակում է բարձր ակտիվություն գրանցվել շինարարության և ծառայությունների ոլորտներում։


•Դուք մի քիչ գլուխ եք գովացել, չեք կարող մարդուն ոտնատակ տալ. Նարեկ Կարապետյանը՝ իշխանությանը:

•Ադրբեջանական կողմի հրապարակած տվյալների համաձայն՝ տարվա առաջին չորս ամիսներին այդ երկրից Հայաստան է արտահանվել ավելի քան 9 միլիոն դոլարի ապրանք։ Հայաստանից Ադրբեջան անուղղակի ներմուծման ծավալը նույն ժամանակահատվածում կազմել է ընդամենը 960 դոլար։

•Սոցիալական ցանցում քաղաքական հայացքների պատճառով քաղաքացու հասցեին անպարկեշտ տեսանյութ հրապարակած անձի նկատմամբ քրեական հետապնդում է հարուցվել։ Տեղեկատվական տեխնոլոգիաների օգտագործմամբ խուլիգանություն կատարած քաղաքացու նկատմամբ որպես խափանման միջոց է կիրառվել տնային կալանքը։

•Հյուսիսային Կորեայի առաջնորդը հրամայել է երկու երկրների միջև առկա սահմանագիծը վերածել անառիկ ամրոցի։ Այդ նպատակով նախատեսվում է վերանայել բանակային ստորաբաժանումների կառուցվածքը և ռազմատեխնիկական առումով ամրապնդել առաջնագծի զորամասերը։